كم بيكلّف تطبيقك؟

شو بيحرّك السعر

ما في تطبيق بسعر واحد. هدول البنود اللي بتنقل المشروع من باقة لباقة — والتشخيص بيسألك عنهن بالظبط.

عدد الشاشات

الباقة الأساسية فيها حتى 5 شاشات: رئيسية، قائمة منتجات أو خدمات، تفاصيل العنصر، تواصل، وعن المصلحة. كل شاشة زيادة بتنسعّر لحالها.

بيع وسلّة شراء

لحظة ما يصير الزبون يشتري من جوّا التطبيق، المشروع بينتقل لباقة «متجر أو نظام» — سلّة، طلبات، ولوحة إدارة.

حسابات وتسجيل دخول

تطبيق بيعرف مين المستخدم بدّه تسجيل وحسابات وصلاحيات — وهاد باكيند، مش شاشة زيادة.

ربط مع أنظمة عندك

كاشير أو مخزون أو نظام إدارة قائم — الربط بيتسعّر حسب شو بيوفّر النظام من واجهة برمجية.

اللغات

لغة وحدة داخلة بالسعر. الثانية +1,200 ش.ج.

رسوم برّا سعر التطوير

منقولهن من أول مكالمة مش بعد التوقيع:

• حساب مطوّر Apple ‏$99 بالسنة · حساب Google ‏$25 مرة وحدة — بتنفتح على اسم مصلحتك إنت (Apple بتشترط حساب خاص لكل مصلحة).
• استضافة وسيرفر شهري — إذا التطبيق إلو باكيند.
• صيانة وتحديثات بعد شهر الدعم الأول — بتنقترح كاشتراك ابتداءً من 300 ش.ج بالشهر.
• تصوير ومحتوى وترجمة — إذا ما كانوا جاهزين عندك.

أسئلة عن التكلفة